مافي احد مرتاح شوفو

حوار شبين من سوريا جوا سوريا:

الأول: لك الله يلعن أبو هالعيشة ..ماعاد فيني اتحمل...... زحمة وقرف وشغل مافي ومافي
مصاري.. بدي سافر بي ايا طريقة ..بدي روح وشوف الدنيا وانبسط..

التاني: يا أخي نحنا بعمرنا مارح نتطور.. شوف وين صارت البشر ..ونحن وين.. لك شي بيطقق .. ولا أيا شي ممكن يخليك مبسوط ..ماني مرتاح بالشغل أبدا ... مديري يقطع عمرو شو غليظ .. أغلظ من هيك مستحيل تلاقي .. مو شاطر الا بالنق...ومابعرف على شو
حاطينو مدير ) ياسيدي حمار معبا بي بنطلون..

الأول: ولا عنا نحنا.. الشغل بي اخر الدنيا .. بدك شي ساعة لتوصل بالسرفيس.. هاد اذا لاقيت
سرفيس.. وياريت راتب متل العالم والناس .. انا خلص استويت ولازم لاقي شغل بالخليج او بأورويا . يا أخي الحياة هنيك غير ..بسط ومصاري وسيارات وبنات ... يعني بتعيش حياتك..

التاني: معك حق .. بتقضيلك 5 سنين وبترجع مليونير.. وياسيدي بلا ماترجع بيكون أحسن ..
...انا رفيقي واعدني انو يدبرلي شغل .. ويارب تظبط معي......

الأول: انا مقدم السي في تبعي عل الأنترنت ومو مخلي موقع يعتب عليي....... ومبارح عملت انترفيو مع شركة ب.......... وقال بيردولي خبر بي هاليومين.. وشو ماعطوني رح اقبل.. لأنو اكيد بيكفي وزيادة..

التاني: الله يوفقك .. ويتخلص من هالعيشة.....

الأول :أمين...

---------------------
و دارت الايام و الشبين دبروا شغل منيح بالخليخ و دار بينهم الحوار التالي:

قلو : يازلمة يالله شو مشتاق لسوريا ..لك يلعن أبو الغربة شوصعبة )ا
لك مو مصدق ايمت انزل اجازة على سوريا..

رد التاني: لك اخ خخخ والله معك حق .. لك تضرب الساعة لي تركت فيها البلد واجيت .. قال شو
بدي أمن مستقبلي وأخلص من هالحياة الزفت ...

قلو الأول: لك مافي أحلى من بلدنا .. دخيل ترابا .. ودخيل الزحمة والناس والمشاكل.. تتذكر شو كنا مبسوطين .. كيف كنا كل يوم بليل نروح و نأركل بعد الشغل بباب توما . ونعمرها بعدين بشي جبل سلطة فواكه عند رامز(..رد قلو: ولا الشاورما عند الأغر والبرج وانس بالميدان .. ولا
البروستد عند القصور... لك مشتهي فيق الصبح وحدا يقلي صباح الخير واشرب القهوة معو..
لك مافي ناس ما في بشر تحكي معها وتحس فيون ويحسو فيك..

الأول: قهوة شو وصباح شو... لك اذا كان حظي حلو ممكن ......... لي قاعد جنبي بالشغل يعبرني ويقلي كم كلمة....... طبعا مع شوية هز بالراس ومابتعرف اذا مبسوط ولا زعلان.. وهاد كلو بعد ساعتين سواقة بالزحمة...


التاني: المصيبة انو 90 بالمية من العالم بالبلد حاسدين الشباب هون .. ولما بتشكي لحدا
بتاكول بهدلة على كيفك وبيقولولك انو انت نقاق ومو خرج بسط..

قلو الأول: لك تركها لالله ..
مفكرين انو المغترب ..معمر بيت فوق بير بترول.. وعم يكش دبان ... لك يارجل..لما بنزل على
سوريا بتنزل العالم فيني أسئلة : كيف .............أكيد مبسوط .. اوعى ترجع ها...... بشرفك
دبرلي شغل..ولما بقلون الشغل مو سهل والحياة صعبة كتير.. ماحد بيصدق وبيفكرو انو مابدي
ساعدهون..

التاني: سيدي .. انت نزول وانبسط والله يمرق هالسنين على خير..

الأول: قولتك رح يتحسن الوضع بالبلد ؟

التاني: والله في هيك اشاعة ..


الأول: والله اذا بتتطلع صح.. الك احلى عزيمة عند المنهل .. )محل مشاوي بالدويلعة(
التاني:ياربببببببببببببببببببببببببببببببببب.....